Ritstjóraskipti

Það sem hefur verið vandamál Fréttablaðsins er deyfðin yfir blaðinu. Kannski er skýringin sú að blaðið er fyrst og fremst auglýsingamiðill; höfuðmarkmið þess er að afla sem flestra auglýsinga. Fríblöð hafa hvergi í heiminum jafnast á við áskriftarblöð að gæðum.

Blaðið berst inn í hvert hús á höfuðborgarsvæðinu svo það er ekki furða að lesturinn sé mikill. En samt er þetta ekki fjölmiðill sem fólki getur þótt vænt um. Hann vantar allan karakter. Góðir blaðamenn sem starfa á Fréttablaðinu hafa alls ekki notið sín.

Kannski stendur það til bóta með nýjum ritstjóra. Ólafur Stephensen er einn besti blaðamaður á Íslandi.

En maður getur samt ekki gleymt því að Fréttablaðið er í eigu útrásarvíkingsins Jóns Ásgeirs – og hefur til þessa verið ósköp þægt við hans og vini hans.