Eyjan.is

Frábært!!

Ég hlakka til að horfa á þennan þátt.

Hver er kjarni málsins í bókinni?

Egill — hefur hugtakið „predatory lending“ orðið á vegi þínum í erlendri umfjöllun um hrunið almennt, og þá kannski hið íslenska sérstaklega?

Breti? GETUM VIÐ TREYST HONUM?

Tetta verdur spennandi og skemmtilegur tattur, vona ad bokin komi i dag, keypti hana fyrir um viku…

Ekki eru allir innmúraðir upplýsir um innhald jólabóka um Ísland á enskri tungu. Why Iceland, Ásgeir Jónsson – Sprungin blaðra gæti hún heitið eins vel. Meltdown Iceland segir heldur ekki mikið um innihaldið. Yfirleitt notað um stórslys. Gæti eins verið kjarnorkuslys eða hröð jöklabráðnun.

Frozen Assets – Hlýtur að höfða til fjárfesta frekar en hins almenna lesenda. Fjármálavíkingar í frysti eða einfaldlega Frozen Vikings væri nær lagi. Það er stór lesendahópur á Bretlandi og meginlandinu sem fylgist með þróun mála hér. Var ekki tap þeirra í hruninu um 6000 milljarðar? Ekki undarlegt þótt einhverjir skuli vera reiðir afglöpum bankamanna á Íslandi.

Meltdown Iceland hvu vera sérlega áhugaverð fyrir hádegismóafólk – andrigeir.blog.is. Hvernig væri fyrir Alþingi að dreifa einu eintaki meðal þingmanna. Frozen Althingi. Gæti víkkað sjóndeildarhring lögfræðinganna á Alþingi. Ísaland er ekki endilega eyland.

Spurðu hann útí eftirfarandi og hvaða heimildir hann hafi þessu viðvíkjandi:

„the british activated a secret agent in iceland – not in the embassy or attached to it – in 2005 with brief to watch cash flow between russia and iceland.“

Já sama segi ég, ég hlakka til að sjá þáttinn því nú er Bjarni Ben búinn að snúa því á haus sem sagt var á bls. 12 í endurreisnarskýrslu Sjálfstæðisflokksins, en þar sagði að einkavæðing bankanna hefði verið stórgölluð. En núna kemur Bjarni farm og segir að það hafi ekki verið vegna einkavæðingarinnar eða hvernig var staðið að henni, heldur hafi regluverkið brugðist. Ok. þá hefðu þeir betur tekið tillögum Ingibjargar Sólrúnar þegar hún flutti fræga ræðu í Borgarnesi, en tillagan gekk út á að setja fyrirtækjum landsins skýrari reglur. Það má halda því til haga að sjálfstæðismenn hlógu þessar tillögur út af borðinu, því nú væri frjálshyggjan alls ráðandi og ekki mætti hefta fyrirtækin með einhverjum óþarfa reglum. Þeir hefðu betur hlustað á ISG við værum þá kannski ekki í þessari stöðu.

Er þetta jafn ómerkilegt og nýjast skúbb wikileaks um íslenska bankahrunið?

Hlakka rosalega til að sjá Silfrið á morgun.

Af því að Valur nefndi áhrifaríkustu stjórnmálaræðu síðustu áratuga, Borgarnesræðuna, þá kemur hér kaflinn um atvinnulífið, en ræðan er á vef Samfylkingar. Kosningarnar 2003 reyndust dýrustu kosningar Íslandssögunnar, Davíð og Halldór héngu á völdunum, rétt svo, með skattlækkunum, Kárahnjúkum og 90% húsnæðislánum. Umræðan um Borgarnesræðun var svo svæsnasta smjörklíputilraun Davíðs þangað til núna að smjörklípan er orðin að Icesave sé öllum að kenna nema honum, Kjartani og öðrum vinum í Landsbankanum… og svo hrunið „umsátrinu“…

„Í efnahags- og atvinnumálum hljótum við líka að leiða til öndvegis leikreglur hins frjálslynda lýðræðis. Okkur kemur ekkert við hvað þeir heita sem stjórna fyrirtækjum landsins eða hvaða flokki þeir fylgja að málum. Gamlir peningar eru ekkert betri en nýir. Ef ketti er ætlað að veiða mýs þá má einu gilda hvort hann er svartur eða hvítur – svo lengi sem hann gegnir sínu hlutverki. Í atvinnu- og efnahagslífinu eru það umferðarreglurnar sem gilda og þær eiga að vera skynsamlegar og í þágu alls almennings. Stjórnmálamennirnir bera ábyrgð á leikreglunum en leikendur bera ábyrgð á því að fara eftir þeim. Það má leiða að því rök að afskiptasemi stjórnmálamanna af fyrirtækum landsins sé ein aðalmeinsemd íslensks efnahags- og atvinnulífs. Þannig má segja að það sé orðstír fyrirtækja jafnskaðlegt að lenda undir verndarvæng Davíðs Oddssonar eins og það er að verða að skotspæni hans. Ég vil þannig leyfa mér að halda því fram að það hafi skaðað faglega umfjöllun um Íslenska erfðagreiningu, bæði hérlendis og erlendis, að sú skoðun er útbreidd að fyrirtækið njóti sérstaks dálætis hjá forsætisráðherranum. Það vekur upp umræðu og tortryggni um að gagnagrunnur fyrirtækisins og ríkisábyrgðin byggist á málefnalegum og faglegum forsendum en ekki flokkspólitískum. Sama má segja um Baug, Norðurljós og Kaupþing. Byggist gagnrýni og eftir atvikum rannsókn á þessum fyrirtækjum á málefnalegum og faglegum forsendum eða flokkspólitískum? Ertu í liði forsætisráðherrans eða ekki – þarna er efinn og hann verður ekki upprættur nema hinum pólitísku afskiptum linni og hinar almennu gegnsæju leikreglur lýðræðisins taki við. Þetta er verkefni Samfylkingarinnar. Samfylkingin á að vera óháð öllum helstu eignahópunum í samfélaginu, hún á að gæta almannahagsmuna, ekki sérhagsmuna.
Í fjármálum, fyrirtækjarekstri, fjölmiðlum og sveitarstjórnarmálum á Íslandi er ennþá spurt: Í hvaða liði ertu? Ertu í náðinni hjá stjórnarráðinu eða ekki? Þessu verður að linna, við verðum að losna við hina sjálfmiðuðu, stjórnlyndu valdsmenn. Við verðum að endurvekja traust almennings á stofnanir samfélagsins með nýjum leikreglum, nýju inntaki, nýrri ímynd. Þetta er hlutverk Samfylkingarinnar.
Og síðast en ekki síst: Í hinu smáa íslenska samfélagi verður það aldrei þolað að búi tvær þjóðir í efnalegu tilliti. Við getum ekki horft upp á þúsundir ganga atvinnulausa, við getum ekki horft upp á þúsundir berjast í bönkum til að halda þaki yfir höfuðið á sér og sínum, við getum ekki horft upp á þúsundir í óöryggi um afkomu sína vegna elli, örorku eða ómegðar. Svona þarf þetta heldur ekki að vera. Við getum örvað atvinnulífið og auðveldað íbúðareigendum lífið með því að lækka vexti – bæði stýrivexti Seðlabankans og útlánsvexti bankanna sem höfðu 7,7 milljarða í hagnað eftir skatta á síðasta ári. Við getum líka afnumið verðtryggingu fjárskuldbindinga sem myndi gera hvort tveggja í senn, gera vaxtabyrði lána gegnsærri og auka sveigjanleikann í samskiptum lánveitenda og lántakenda. Og við getum dregið úr jaðarsköttum barnafjölskyldna og ellilífeyrisþega.
Samfylkingin hefur verk að vinna í íslenskum stjórnmálum. Hún hefur ekki svör á reiðum höndum við öllum þeim spurningum sem upp kunna að koma en hún kann að leita svaranna. Hún hafnar ráðleysi stjórnvalda sem þora ekki að spyrja en allt þykjast vita. Hún er ekki bundin á klafa gamalla kennisetninga sem eiga rætur sínar í samfélagi gærdagsins. Hún treystir brjóstviti og skynsemi þess fólks sem mesta hefur reynsluna og þekkinguna á hverju sviði og leitar óhrædd í smiðju þess. Hún þorir að setja umdeild mál á dagskrá þjóðmálaumræðunnar. Hún hafnar kreddum og kerfislausnum gamla flokkakerfisins. Hún er ekki hrædd við að ræða nýjar leiðir í opinberum rekstri og þjónustu en hvikar hvergi frá markmiðinu um hina samfélagslegu ábyrgð og nauðsyn jafnréttis og jafnra tækifæra.
Samfylkingin hafnar stjórnlyndi Sjálfstæðisflokksins sem hefur það stefnumið eitt að halda völdum. Samfylkingin býður fram fólk, stefnu og starfshætti með það að markmiði að leysa íslenskt samfélag úr viðjum þeirra þröngsýnu sérhagsmuna sem hafa þrifist í skjóli Sjálfstæðisflokksins. „

Egill ég treysti á að þú fjallir um þessi ótrúlegu ummæli AGS fulltrúans.

Hr. Flanagan AGS fulltrúi, segist myndi flytja burt væri hann Íslendingur, svo slæmur séu horfur okkar.

Tveir af fulltrúum almennings hafa sagt okkur frá heimsókn hóps manna til fulltrúa Alþjóðagjaldeyrissjóðins á föstudag, en þar lét hr. Franagan þessi orð falla.

Þau sem hafa bloggað um þetta eru þau Gunnar Skúli Ármannsson læknir og
Ásta Hafberg S. verkefnastjóri.

Þetta hlýtur að vera frétt ársins Egill er það ekki?

Ég veit að að þessi skoðun á ekki viið, en samt er það svo að ég er ESB sinni.
En eins og bera sig sem slílkan er eins og vera barníðingur, eins og staðan er hér á ísaköldu landi.

Eftir allt fokkið er best too make love alone.

Þap er komin lína í sandinn….og persónulega finnst mér Bjarni formaður sjálftökuflokksins og Sigmundur formaður hækja…ekki vera málið

Alþingi hefur nýlega, þann 2.september eftir maraþonumræður samþykkt fyrirvara um Icesave-samninginn:

1. Gildistíminn var tímabundinn til 2024.
2. Árlegir vextir miðuðust við 1% af landsframleiðslu eða um 15 milljarða árið 2009.
3. Ef dómsstólar úrskurða að ríkinu bæri ekki að greiða, fellur ábyrgðin niður.

Nú 3 mánuðum seinna er Alþingi ætlað að takmarka nýlega samþykkt lög. Fyrir almenning sem ekki fylgist með frá degi til dags er þessi vinnubrögð lítt skiljanleg. Framkvæmdavaldið reynir hér enn aftur að færa Alþingi skör neðar en það á skilið. Fræðimenn hjá HÍ benda á að ef ríkið er skuldbundið til að greiða reikning sem er þjóðinni ofviða sé það brot á stjórnarskrá.

Ríkisstjórnin hefur með skattahækkunum sagt almenningi að hagræða og takmarka neyslu sína. Því má Alþingi ekki gera slíkt hið sama. Ef vaxtagreiðslur eiga að verða hærri verður að afnema t.d. vexti af kúlulánum og mörgu öðru sem ríkið hefur skuldbundið sig til að greiða. Það verður ekki gert án samráðs við samningsaðila.

Vextir sem greiðast af barnalánunum ríkisstjórnar Gunnars Thoroddsen. Kúlulán hjá Royal Bank of Scotland mun alls verða um 18 milljarða á gjalddaga 2016. Um 1 % af landsframleiðslu? Ef fyrirtæki eða heimili er gert að greiða umfram getu fara menn í greiðsluþrot. Blasir við mörgum nú, vegna þess að menn treystu að krónan væri rétt skráð.

Meltdown Iceland. Greiðslubrestur hjálpar ekki Bretum eða Hollendingum. Gildistími ábyrgðar sem málamiðlun gæti lengst til 2030, vilji Alþingi það. Áður hafa þessar þjóðir reynt að þvinga Þjóðverja til að greiða meiri skaðabætur en getan leyfði. Afleiðing þessa var að Hitler komst til valda. Meltdown Evrópa.

Mun breski markaðurinn falla mikið í næstu viku??? Hvernig væri að spurja hann um breska fjármáleftirlitið og helsjúka fjármálakerfið sem bretar styðja.

Alistair Darling, mun í vikunni tilkynna ráðuneytum og opinberum stofnunum að ekki sé til meira fé í ríkiskassanum og því verði sett útgjaldabann í þrjú ár. Þetta kemur fram á vef breska blaðsins Times í dag.

Times segir þetta erfiðustu skilaboð sem ráðherra hefur þurft að færa í Bretlandi frá því að Alþjóðagjaldeyrissjóðurinn varð að koma breskum stjórnvöldum til aðstoðar á áttunda áratug síðustu aldar.

Frábært að fá þennan mann í Silfrið. Glöggt er gests augað. Ég sé fyrir mér að hann verði úthrópaður í Mogganum og á frjálshyggjusíðu Óla Björns og sjálfsagt á Hannes eftir að hnýta duglega í hann.

Hann er kominn á svarta listann hjá Davíðsklíkunni og verður aldrei fyrirgefið.

En frábær var hann og skynsamlegt hjá Agli að vera með hann strax textaðann. Það er miklu áhrifaríkara en að endursýna viðtalið textað um kvöldið.

Vefur Rúv brást hinsvegar áhorfendum sínum sem greiða háan nefskatt. Þar var ekki hægt að horfa á Silfur Egils í beinni og án nokkurra skýringa.

Frábært viðtal!

Langaði bara til að þakka þér, Egill, fyrir frábært viðtal. Mikið ofboðslega var þetta eitthvað gott að heyra í gáfuðum manni sem þekkir til en getur samt rætt ástandið utan frá – án allra tengsla við „náhirðir“ og „násker“ og hver þau eru nú þessi orð sem eru svo lýsandi fyrir þessa yfirþyrmandi leiðinlegu og heimskulegu umræðu sem maður er að upplifa í tengslum við ástandið.

Mjög gott viðtal

Gott viðtal. Maðurinn hefur sömu sýn á manninn sem ég kýs að kalla Voldemort og ég. Eg deili samt ekki skoðun hans á kapítalismanum. Hann tel ég vera úr sér gengið og mannafjandsamlegt kerfi. Flest annað alveg frábært hjá þessum manni og glöggt.

Fínt viðtal og glöggur maður. Góð greining á Voldemort, okkar litla Castró. Ekki að ástæðulausu líkingin við Kúbu norðursins.

Ekki er ég sammála með framtíð kapitalsimans þó, tel hann fjandsamlega öllu lífi og nauðsynlegt að setja fókusinn á fólk, líf og dauða, eitthvað sem skiptir máli, en ekki peninga. Peningar eru ágætir sem ávísun á verðmæti en engin verðmæti í sjálfu sér. Vont er að gleyma því.

Annars frábært og mjög jákvætt innlegg í umræðu þjáðar og þreyttrar þjóðar.
Takk!

Hann sagðist ekki geta fundið ástæðu þess að Jón Ásgeir og Davíð hötuðust. Hann hefði kannski átt að tala við fleiri Íslendinga, því að hötuðust þeir ekki af þeirr einu ástæðu að þeir representera 2 klíkur sem eru að berjast um landið, Davíð sem er tengdur gamla auðvaldinu og Jón sem er hið nýja auðvald og þessar 2 berjast um yfirráðin yfir landinu.

Frábært viðtal!

Greindur maður og glöggur og búinn að vinna heimavinnuna sína.

Sennilega blaðamaður af svipuðu kalíberi og sá sem skoðaði í bleyjuna hjá Geir Haarde í BBC Hardtalk, vesælla minninga.

Sérstaklega er ég sammála honum þar sem hann segir að í tíð Voldemorts hafi ríkisvaldið verið veikt. Bara litla stuntið með eftirlaunafrumvarpið laskaði þingið svo svakalega að það hefur aldrei borið sitt barr síðan. Sama á við með frændann, vininn og soninn í dómaraembættin. Þetta telur allt. Eða nafngjafi hólmsteinskunnar, sjálfur Hólmsteinninn sem stal nóbelskáldinu og komst upp með það. Situr enn í sinni prófessorsstöðu í Háskóla Íslands. Er það þeirri stofnun til vansa eður ei? Allar þessar stofnanir eru veikari fyrir bragðið, en fengu þó að lifa, meir en sagt verður um þjóðhagsstofnun sællar minningar.

Frábært viðtal og unaður að hlusta á útlending sem hefur jafn djúpan skilning á mörlandanum og þessi maður.

Mikið væri nú gaman að sjá hrunið sett upp í óperu, Kristin Sigmundsson sem Davíð, Garðar Cortes sem Jón Ásgeir, Diddú sem Ingibjörgu Sólrúnu….

Mjög góð hugmynd, þá fengjum við Borgarnesaríuna til dæmis. Og svo mútumálið á Bolludag, gefur skemmtilega möguleika á sviðsetningu.

Svo ekki sé talað um þessa korters þögn þegar Davíð „took his love away“ . Óborganlega dramatískt!

Hahahaha! Ég sé Bolludagsatriðið fyrir mér. Svona eins og atriði úr Mozartóperu. Tveir baritónar í aðalröddum og stöku innskot tenors (sem væri þá Illugi). Var hann ekki á þessum fundi annars? Dásamlegt.

Snjall leiktjaldahönnuður og ljósameistari gæti svo leikið með vínberjaþemað í senunni. Bjútí.

Íslendingar! Haldið ykkur frá alþjóðlegum viðskiptum í lengstu lög!!

Þetta var svosem ágætis viðtal, en Jón Ásgeir var hvítþveginn í því – hvernig getur það farið framhjá manni sem hefur eitt nokrum tíma í að rannsaka hrunið hvernig baugsveldið hefur stundað Enron viðskipti með sínum leppum, fyrirtækjum með tölustafi fyrir nöfn og enga starfsemi aðra en að kaupa eitthvað (og stinga risnufé í vasa kaupandans – sem situr báðum meginn við borðið) með pening sem enginn veit hvaðan kom og síðan eru allar skuldir færðar til í gerfifélögin.

Eini munurinn á Jón Ásgeiri og Jeffery Skilling er að Jón var stórtækari (og kannski annar munur er sá að hann mun líklega komast upp með þetta á meðan Skilling fékk rúmlega 30 ára dóm

Græðgi er að mínu mati ekki harður dómur á Jón Ásgeir miðað við hans meintu viðskiptahætti

Græðgi er heldur ekki ólögleg. Enron viðskiptahættir (að búa til ný og ný félög til að fela skuldir eða fá lán útá eftir að hafa falið hversu yfirskuldsett öll veð (tengd fyrirtæki/eignir)fyrir láninu eru, ef það eru einhver veð í fyrsta lagi) eru hinsvegar glæpir allstaðar annarstaðar en á íslandi, að er virðist

Þó ég ætli alls ekki að fara að taka upp hanskan fyrir Davíð þá hefur það komið oft framm afhverju honum er ílla við Jón Ásgeir, og hálf fáranlegt að hlusta á þennann blaðamann tala um það sem einhverskonar mysteríu af hverju Davíð er ílla við Jón

Það er enginn rökstuddur grunur fyrir því að Davíð hafi brotið einhver lög, þó maðurinn hafi gengið ansi langt siðferðislega (t.d. Írakstríðið) og því ekkert sem gætur dæmt hann annað en sagan, og ég myndi ekki vilja vera í hans sporum hvað það varðar

Í kringum Jón eru hinsvegar svo mikið af furðulegum viðskiptum að að ná utan um það er enginn leikur. Þessar flækjur eru mjög heppilegar fyrir Jón því þær komast ílla fyrir í fyrirsögnum á fréttamiðlum – sérstaklega þegar maðurinn er búinn að eigna sér stærstann hluta þeirra. Hinsvegar virðist allt sem Davíð segir, hversu ómerkilegt sem það er rata í blöðin og á netið.(og ég er ekki einn af þeim sem tel hann vera það frábærann penna eða svo orðheppinn)

Glögt er gests augað,frábært viðtal.

Virkilega áhugavert og gott viðtal við asskoti kláran kall.
Ég er sammála Brandi Ara að Jón Ásgeir slapp full vel (“bara eins og hinir“ mórallinn).
Ég er hins vegar ósammála Boyes um „complex“ nauðsyn aðildar Íslands að ESB.
Hann benti á að vandi Þýskalands væri ekki kominn upp á yfirborðið.
Við vitum um vaxandi vanda Breta o.fl.
Hvenær byrjar evran að titra?…og pundið?
Frábært hefði verið Egill, ef þú hefðir fengið mat hans á því og hvar við værum þá í evru-sjó? Þá væri staðan virkilega „complex“ ólga. Hvað trúa menn lengi á hið aldurhnigna Þýskaland?

Það er alltaf gott að fá utanaðkomandi álit, sérstaklega frá manni sem hefur gefið sér greinilega nokkurn tíma til að setja sig inn í málin hérna og hefur líka hina alþjóðlegu sýn.
Það er líka góð tilbreytni að fá loksins aðila í silfrið sem fer ekki bara með sömu gömlu tugguna um AGS, Icesave o.s.frv. heldur sem segir að við séum þrátt fyrir allt að gera réttu hlutina núna og erum með ítarlegri uppskurð á orsökum kreppunnar en önnur lönd.

Svona eiga viðtöl að vera.

Við þurfum ekki endilega að vera sammála en það er grundvöllur lýðræðilegrar skoðanamyndunnar að mál séu rædd frá öllum hliðum. Þöggunin sem við höfum orðið vitni að í okkar samfélagi í áratugi á að hverfa og við eigum að ýta undir svona opna og hreinskilna umræðu, sama hvort öfgafólk til hægri eða vinstri er með eða móti.

Áfram með Silfur Egils