Athugasemdir við: „Samfélagið og lögmálin“

Höfundur: Jón Einarsson

Jón Einarsson — Fri, 22 May 2009 12:00:29 +0000

Þessu óskylt, en smellpassar við fyrirsögnina hjá þér er LÖGMÁLIÐ um að íslenskt SAMFÉLAG þurfi alltaf að láta plata sig í svikamyllum. Decode, Herbalife, bankasvikamylla íslenskra stórglæpamanna(a.k.a útrásarvíkingar) svo fá dæmi séu nefnd. Nú er komið glænýtt svindldæmi og eins og við manninn mælt henda menn veskinu sínu í þessa sölumenn snákaolíu og leyfa þeim að taka það sem þeir vilja úr veskinu gegn því að fá að vera svindlaðir upp úr skónum. Kæru íslendingar sem einn eiga pening:
http://www.visir.is/article/20090521/IDROTTIR/493614971 Njótið vel.

Höfundur: Váli

Váli — Fri, 22 May 2009 07:34:48 +0000

Rétt hjá þér Richard það á ekki skylt við boðskap bilblíunnar. Það sem er hins vegar ámælisvert er hvernig kirkjan tekur á málum sem koma upp. Þeir vernda oftast þann sem brýtur á börnunum í stað þess að henda þeim öfugum út.

Höfundur: Richard Ulfarsson

Richard Ulfarsson — Fri, 22 May 2009 06:13:54 +0000

Það er alveg sama hversu fínar kenningar og “-isma” maðurinn finnur upp þær munu alltaf verða misnotaðar af einstaklingum og hópum sér til framdráttar.

Þó svo þjónar Guðs hafi misþyrmt og nauðgað börnum, er það ekki boðskapur Biblíunnar.

Höfundur: Svalan

Svalan — Fri, 22 May 2009 00:24:26 +0000

Blandað hagkerfi hefur alltaf verið málið þ.e. það besta frá báðum

Höfundur: Eyjólfur

Eyjólfur — Fri, 22 May 2009 00:16:08 +0000

Sammála síðasta ræðumanni.
Öll hægri-vinstri uppsetning á hruni Íslands er algjört bull.
Að blanda markaði inn í málið er það líka.

Það hefur einfaldlega ekkert með málið að gera.
Ágætis byrjun væri sjúkt klíkusamfélag og græðgi,
þar sem enginn var að gæta almannahagsmuna.

Betra að sjá myndina hér áður en það er sett í stærra samhengi.
Spyrjið Próf. Black.

Höfundur: Viðar Ingvason

Viðar Ingvason — Thu, 21 May 2009 23:24:34 +0000

Hægri-vinstri uppsetning á þessum málum er úrelt. Mannskepnan misnotar alltaf óheft frelsi. Hagvaxtakrafan er hluti af græðgisvæðingunni.
Á meðan ríkisstjórnir voldugustu ríkja halda áfram að fæða gamla spákaupmennsku-efnahagskerfið með fé skattgreiðenda, hækkar fallið sem bíður kerfisins jafnt og þétt. Hrun núverandi kerfisins er forsemda fyrir því að nýtt og heilbrigðara kerfi verði til. Viðskiptadrifið efnahagskerfi þarf að leggja niður og framleiðsludrifið kerfi að taka við. Ísland er versta dæmi heimsins um viðskiptadrifið efnahagskerfi þar sem lítil verðmæti voru á bakvið þensluna. Þau litlu verðmæti sem voru notuð í blöðruna hér voru að mestu stolin frá ríkissjóði Íslands.

Höfundur: V.

V. — Thu, 21 May 2009 22:07:08 +0000

Sammála Skuld. Samantekt t.d Chris Martenson á þessu hlutum fær hárin á manni til að rísa – og mann langar í mikið af bjór á eftir. Ég sé ekki í hverju hans feill liggur, því miður.
http://www.chrismartenson.com/crashcourse

Höfundur: AB

AB — Thu, 21 May 2009 21:54:46 +0000

@Jónas Tryggvi 20:15
Nýja bókin eftir George Soros er líka áhugaverð lesning, fyndið að maður einsog hann með 50 ára reynslu af öllu sem tengist fjármálakerfinu, sé með svona ótrúlega mikla vantrú á frjálsum markaði og talar í raun fyrir hertu eftirliti.

Er „fyndið“ rétta orðið? – ég hefði frekar sagt athyglisvert eða jafnvel mjög athyglisvert.

Höfundur: skuld

skuld — Thu, 21 May 2009 21:52:54 +0000

Varðandi ummæli Sigursteins Mássonar og Jónasar Bjarnarsonar þá má benda á að krafan um endalausan hagvöxt (og hættuna sem sú stefna leggur á móður Jörð) er ekki afleiðing markaðsskipulagsins heldur fjármálakerfisins eða réttara sagt peningamyndunar í gegnum útlán.

Til þess að halda kerfinu gangandi þannig að skuldir séu greiddar auka VAXTA þá er nauðsynlegt að hagkerfin stækki því annars eru ekki nægir fjármunir í kerfinu til þess að standa undir skuldunum (dr. Hudson fjallaði stuttlega um þennan punkt í heimsókn sinni hér)

Það er algjör misskilningur að setja jafnaðarmerki á milli hagvaxtar og lífgæða. Frítími fyrir fjölskyldu, vini og áhugmál er t.d. grundvallarlífsgæði. Ég er ekki frá því að lífgæði Íslendinga myndu batna umtalsvert ef vinnuvikan væri stytt niður í fjóra daga þótt hagvöxtur myndi sjálfsagt dragast töluvert saman fyrir vikið.

Í skuldahagkerfi eins og því sem við lifum nú í eru breytingar sem þessar nær óhugsandi. Kerfið myndi hrynja – ef það er ekki nú þegar hrunið. Þetta gengur náttúrulega ekki upp til lengdar. Maður þarf nú ekki að horfa á graf af veldisvexti til þess að sjá hversu vitlaust þetta er. Auðvita eru takmörk fyrir því hversu langt hægt er að ganga á náttúruauðlindir – okkur getur ekki fjölgað endarlaust.

Burt með skort og skuldir. Lifi auður og frelsi.

Höfundur: Jón Steinsson

Jón Steinsson — Thu, 21 May 2009 21:47:09 +0000

Það er rétt að ójöfnuður hefur aukist hröðum skrefum í Bandaríkjunum síðustu 30 árin og svo virðist sem kaupmáttur þeirra sem verst standa hafi orðið eftir. Þó er mjög erfitt að mæla þróun kaupmáttar yfir 30 ára tímabil. Margar af þeim tölum sem menn nota eru misvísandi þar sem þær taka ekki tillit til „fringe benefits“ svo sem lífeyris og heilbrigðistrygginga. Þar að auki eru flestir hagfræðingar sem hafa kynnt sér þessi mál sammála um að verðbólga í Bandaríkjunum hafi verið ofmetin um a.m.k. 1% á ári á áratugunum frá 1970-1995 og því kaupmáttaraukning vanmetin að sama skapi. (Þess má einnig geta að stór hluti af hagvexti Bandaríkjanna á þessum tíma skýrist af fólksfjölgun en ekki hagvexti á mann.)

Margar skýringar hafa verið settar fram að topp fræðimönnum um þessa þróun. Sumar hafa með frjáls viðskipti, aðrar með óhefta fjármagshyggju (sem er ekki það sama og óheft markaðshyggja), enn aðrar með þróun menntunar í Bandaríkjunum. Ég mæli sérstaklega með eftirfarandi bók um þetta efni:

http://www.amazon.com/Race-between-Education-Technology/dp/0674028678/ref=sr_1_1?ie=UTF8&s=books&qid=1242942029&sr=8-1