Óþarfa harka

Þessar tvær ljósmyndir hér að neðan sýna að lögreglan er að miða piparúðanum beint á ljósmyndara. Svipaða sögu má finna hér. Einhvern veginn er vandséð hvaða tilgangi þetta þjónar.

Annað er spurning.

Var hugsanlega beitt óþarfa hörku í mótmælunum í gær. Ungmenni voru tekin og handjárnuð fyrir aftan bak, sett í einhvers konar Guantanamostellingar og látin krjúpa ofan í bílageymslu.

Kannski er ég barnalegur, en hefði kannski farið betur á ef Geir Jón hefði gefið þeim kakó og rætt við þau.

Því allir treysta Geir Jóni. Forsætisráðherra hefði alveg mátt slást í hópinn.

Ég mæli ekki ofbeldi bót. Ég hef skömm á því. En undireins og lögregla fer að beita óþarfa hörku æsist allt upp og atburðarásin verður stjórnlaus.

Mynd eftir Jóhannes Gunnar Skúlason.

Mynd eftir Júlíus Sigurjónsson.