Eru þeir að grínast?

Sigurður Jónsson, forstjóri KPMG endurskoðunar, er faðir Jóns Sigurðssonar forstjóra Stoða/FL-Group.

KPMG er endurskoðandi Baugs og Stoða/FL-Group. Hefur skrifað upp á reikninga fyrir hinn þrönga hóp manna sem stendur að þessum fyrirtækjum.

Þessi þröngi hópur var líka aðaleigandi Glitnis.

Það eru uppi áleitnar grunsemdir um að þessir menn hafi misnotað bankann í stórum stíl.

Samt telur Sigurður Jónsson, forstjóri KPMG, að fyrirtæki hans sé hæft til að rannsaka atburði í Glitni síðustu mánuðina fyrir bankahrunið.

Er þetta grín?