Athugasemdir við: „Formenn flokkana í Silfrinu“

Höfundur: Stefán

Stefán — Sun, 25 May 2008 20:47:47 +0000

Er nokkur ástæða til þess!?

Höfundur: Grímur geitskör

Grímur geitskör — Sun, 25 May 2008 17:32:02 +0000

Ég ætlaði að horfa aftur á Netinu á formann Frjálslynda flokksins sprikla í lygavef sínum í „Stóra Akranesmálinu“, en því miður er einmitt klippt á upptökuna þegar aumingja Gauji er um það bil að endanlega binda tungunu í rembihnút um eigin höfuð.

Er hægt að laga þetta?

Höfundur: Rómverji

Rómverji — Sun, 25 May 2008 14:14:40 +0000

Allir formennirnir – nema e.t.v. Steingrímur J. Sigfússon – ætla að hnoða almenningi smjörklípu að sleikja í stað þess að afnema eftirlaunaósómann með frumvarpi Valgerðar Bjarnadóttur.

Að halda því fram að almenningi hafi helst sviðið að menn gætu verið í fullu starfi hjá hinum opinbera og jafnframt þegið eftirlaun, það er rangt. Þessi blekking hefur verið reynd áður – og formaður Samfylkingarinnar ætlar nú að fá formenn allra flokka til að taka sig saman um að blekkja almenning í eftirlaunamálinu með þessu sama trikki. Skammarlegt. Þvílíkur formaður jafnaðarmanna!

„Hin mikla smjörklípa
Þegar búið var að hækka eftirlaunin sem raun bar vitni rak fólk allt í einu augun í það þeir sem höfðu unnið sér rétt til eftirlauna mega taka þau, þó svo þeir eða þær séu enn í starfi. Eins og Pétur Blöndal, alþingismaður segir, það hefur alltaf verið svoleiðis. Það hafði hins vegar aldrei vakið athygli fyrr en núna. Ég velti því fyrir mér hvers vegna það vekur athygli núna, ég held að ein ástæðan sé sú að það þóknist ráðamönnum. Ég held að það sé gamla góða smjörklípuaðferðin, stjórnunarstíllinn sem kannski mætti kenna við Arnarhólinn, höfundurinn er alltaf einhvers staðar nálægt honum.

Svo virðist sem tvær ágætar flokksystur mínar hafi fallið fyrir þessari mikilvirku stjórnunaraðferð. Allavega las ég um það í blöðunum um daginn að þær hyggist leggja fram frumvarp til breytinga á eftirlaunafumvarpinu.

Breytingarnar snúa að því eftir því sem ég fæ best skilið að menn megi ekki taka eftirlaun sem þeir öðlast samkvæmt frumvarpinu ef þeir eru í störfum hjá ríkinu. En hneykslið snýst ekkert um það. Hneykslið er að eftirlaun ráðamanna, ráðherra og þingmanna (og hæstaréttardómara sem bætt var í hópinn – líklega sem smáskammtasmjörklíputrikki) eru í öðru sólkerfi en við hin. Það er þessu sem þarf að breyta en ekki hvenær hinir útvöldu byrja að notfæra sér þessi réttindi sem þeir hafa skammtað sér með ólögum.“

http://mbl.is/mm/gagnasafn/grein.html?radnr=1112177

Höfundur: Ari

Ari — Sun, 25 May 2008 12:50:21 +0000

Slökkti á sjónvarpinu rétt í þessu, þetta fólk er í ákv. hlutverkaleik, með og á móti, og svo fyrirsjáanlegt að það tekur því ekki að horfa á þetta. : /

Ef Guðni væri í stjórninni ennþá væri hann að tala um hvað allt er æðislegt en hann er í hlutverki stjórnarandstöðu núna og því m. allt aðra skoðun.

Höfundur: Egill Helgason

Egill Helgason — Sun, 25 May 2008 08:47:42 +0000

Hún er týnd, en þú mátt birta hana aftur Rómverji.

Höfundur: Rómverji

Rómverji — Sun, 25 May 2008 02:59:59 +0000

Kæri Egill.
Þú mátt alveg birta aftur athugsemd mína frá því um daginn, sem gerð var við svipaða tilkynningu um formennina í Silfrinu.

Höfundur: Eiríkur S.

Eiríkur S. — Sun, 25 May 2008 02:17:53 +0000

Sammála.

Höfundur: Oddur Ólafsson

Oddur Ólafsson — Sat, 24 May 2008 20:16:19 +0000

Þetta verður allt að vera á léttu nótunum.

Geir – finnst þér stundum að varaformaðurinn þinn sé í Samfylkingunni? Er ekki erfitt að vinna með þessu fjölmiðlaglaða fólki í samstarfsflokknum?

Ingibjörg – geturðu úskýrt fyrir okkur helstu línurnar í flokknum, þ.e. hverjir eru í stjórn, og hverjir í stjórnarandstöðu, eða veistu það kannski ekki alltaf sjálf?

Guðjón – hvert verður næsta popúlista málið sem þinn flokkur getur gert að sínu?

Guðni – má ekki leggja Framsókn niður?

Steingrímur – ertu feginn að vera ekki í stjórn?

Höfundur: Sófisti

Sófisti — Fri, 23 May 2008 23:52:05 +0000

Mér þætti gaman ef þú kæmir aðeins inn á vantraust almennings á Alþingi, og athugaðir hvaða skoðanir eða bjargir formennirnir hafa í huga. Sjálfur missti ég trúna þegar ég frétti af hinum frægu útborgunum til stjórnmálaflokka. Eftirlaunafrumvarpið og aðstoðarmannafrumvarpið bættu heldur ekki úr skák. En allavega, hvað hafa menn hugsað sér að gera til að endurvinna sér traust og bæta kjörsókn? Það vildi ég allavega vita.

Höfundur: ÞA

ÞA — Fri, 23 May 2008 16:59:38 +0000

Viltu spyrja heilbrigðisráðherra hvort honum finnist allt í lagi að 20 ungar konur hafi látist af ofneyslu eyturlyfja frá börnum sínum því það er ekki boðið upp á sannfærandi úrræði hér.
Hvað hefði honum fundist ef þær hefðu dáið í bílslysum eða verið myrtar – hafði honum fundist það alvarlegar ?
Það skal engin segja mér að heilbrigðisráðherra hafi ekki vitað af þessu.