30.09 2008 - 55 ummæli »
Hví borguðu þeir ekki krónu sjálfir?
Allir usual suspects hafa stigið fram og ályktað að hér sé í gangi risavaxið plott til að knésetja Baugsmenn. Að efnahagshrunið á Íslandi sé einhvers konar framhald af Baugsmálinu.
Vandinn er bara sá að það eru einmitt aðalleikendurnir í þessu sem eru búnir að skuldsetja landið til andskotans – og fara svo þess á leit að ríkið láni þeim meiri peninga þegar aðrar lánastofnanir eru búnir að skella aftur dyrunum.
Hér er meðal annars þetta að athuga:
Ef Glitnir var svona ágætlega stæður í raun og veru, af hverju notuðu þeir ekki sína eigin peninga til að styrkja hann? Því eitthvað hjóta þeir að eiga í handraðanum.
Síðunni barst forvitnilegt lesendabréf af þessu tilefni.
— — —
„Upphæðin sem allt snýst um er 80 milljarðar og fyrir þessa upphæð fær ríkið 75% af Glitni sem núverandi eigendur samþykkja „stillt upp við vegg“ eins og þeir segja.
Þetta stenst ekki skoðun.
1.
Stærstu eigendur Glitnis eru meðal umsvifamestu og ríkustu kaupsýslumanna landsins:
Saxhóll
Baugsveldið
Karl Werners / Milestone
Róbert Wessmann/Salt investment
Lífeyrissjóðir
Af hverju leggja núverandi eigendur bankans ekki EINA KRÓNU fram til bjargar bankanum sínum ? Ef allt er svo „traust og gott“ þá ættu þeir varla að hika við að „put their money where their mouth is“ – ekki satt ?
Þeir kvarta yfir því að ríkið hafi tekið allt of mikið í sinn hlut – af hverju legga þeir ekki fram einhverja milljarða sjálfir og minnka þar með hlut ríkisins ?
Er það vegna þess að eigendur bankans eru „broke“ eða treysta þeir ekki greiðsluhæfi eigins banka og telja hagsmunum sínum betur borgið að láta ríkið „beila“ sig út ?
2.
Ef þú deilir þessum 80 milljörðum á 10 stærstu hluthafa Glitnis þá er þetta TÆPLEGA 1 stk rekstrarkostnaður FL Group sl. 2 ár per mann (sem var 8.8 milljarðar eins og frægt er).
Bættu við 15 milljörðunum sem FL Group greiddi fyrir Sterling flugfélagið viðrekstrarkostnaðinn fræga og þá ertu kominn með 23 milljarða sem er vel yfir 20% af þeirri upphæð sem þurfti til að bjarga Glitni.
Getur verið að ástæðan fyrir því að engir fjármunir koma frá núverandi hluthöfum sé einfaldlega sú að þeir hafi enga raunverulega fjármuni milli handanna lengur – heldur standa þeir uppi með tugi milljarða „óefnislegra eigna/viðskiptavildar“ ásamt uppskrúfuðu bókfærðu eigið fé sem er álíka „óáþreifanlegt“ og hin ósýnilega viðskiptavild ???
3.
Upplýst hefur verið að lánalínur Glitnis hafi lokast eftir fall Lehman brothers bankans. Upplýst hefur verið að stór lán Glitnis falli á gjalddaga í oktober og januar/febrúar á næsta ári.
Gefum okkur að Seðlabankinn hafi veitt þeim neyðarlán (Þ.e. kallast „last resort loan“) eins og þeir vildu og Glitnir því getað greitt lánið í oktober.
Hvað hefði þá gerst? Trúverðugleiki Glitnis hefði stórskaðast enda ekkert smá mál að Seðlabanki þurfi að koma banka til aðstoða með neyðarláni og öll umfjöllun um Glitni hefði verið afar neikvæð og skemmandi fyrir bankann.
Dettur mönnum virkilega í hug að lánalínur erlendis fyrir Glitni hefðu opnast í oktober-nóvember-desember fyrir þeim lánum sem falla á gjalddaga í byrjun árs 2008 eftir að búið er að tilkynna um neyðarlán Seðlabanka til Glitnis banka ?
Þá hefði ríkið eflaust þurft að lána aftur þar sem heilbrigð skynsemi segir að það var ekkert á borðum þess efnis að Glitnir tækist að útvega fjármagn næstu mánuðina eins og nauðsyn bar til. Og hversu lengi gæti ríkisvaldið lánað þessum drengjum ? Hvenær myndu lánalínur opnast aftur ?
Man einhver eftir Northern Rock bankanum? Hann fékk neyðarlán í fyrrasumar ÁÐUR en þessi krísa hófst og um leið og fréttir þess efnis bárust þustu breskir sparifjáreigendur í þúsundatali að taka út inneignir sínar af ótta við að bankinn væri að hrynja. Vopnaðar lögreglusveitir þurfti til að róa almenning sem gerði áhlaup á bankann. Lánadrottnar gengu einnig fram af hörku til að tryggja hagsmuni sína.
Fjármálaráðherra Bretlands reyndi að róa almenning en allt kom fyrir ekki. Bankinn þoldi ekki áhlaupið og bankinn tekinn yfir af breska seðlabankanum.
Seðlabankinn gat ekki gert neitt annað í þessari stöðu þótt óneitanlega sé það sársaukafull aðgerð fyrir núverandi hluthafa.
En eftir stendur: Þetta voru ekki nema 80 milljarðar.
Fyrirtæki sem segist eiga eigið fé uppá 200 milljarða og nokkurra þúsunda milljóna eignasafn ætti undir eðlilegum kringumstæðum ekki að vera í vandræðum. Hvað þá með hluthafa sem segjast eiga eignir eins og Stoðir sem segja sem nema hundruðum milljörðum.
Það kemur hinsvegar ekki ein króna frá núverandi hluthöfum – amk ekki sem hefur verið gert opinbert.
Hvað veldur?
Og stóra spurningin er auðvitað þessi:
Ef það er rétt eins og fram kemur í fréttatilkynningu Glitnis að undirliggjandi rekstur sé traustur og eignasafnið gott, hvernig er hægt að skýra tæplega 90% eiginlegt verðfall á bankanum frá því fyrir helgi?“
Kiljan og Silfur Egils
Nýlegar færslur
Sarpur
- 2010
Jan Feb Mar Apr Maí Jún Júl Ágú Sep - 2009
Jan Feb Mar Apr Maí Jún Júl Ágú Sep Okt Nóv Des - 2008
Jan Feb Mar Apr Maí Jún Júl Ágú Sep Okt Nóv Des - 2007
Jan Feb Mar Apr Maí Jún Júl Ágú Sep Okt Nóv Des - 2006
Jan Feb Mar Apr Maí Okt Nóv Des - 2005
Jan Feb Mar Apr Maí Sep Okt Nóv Des - 2004
Sep Okt Nóv Des - 1969
Jan
- Vefmiðlar
- Vefsjónvarp
- Vefútvarp
- Vefverslanir
- Eyjan
Egill !
Fáðu bankastjóran hjá Glitni aftur í viðtal hjá þér og spyrðu hann um þett :
,,Ef það er rétt eins og fram kemur í fréttatilkynningu Glitnis að undirliggjandi rekstur sé traustur og eignasafnið gott, hvernig er hægt að skýra tæplega 90% eiginlegt verðfall á bankanum frá því fyrir helgi?”
Spurðu hann líka um það sem hé rer verið að talaum :
,,„Tveimur dögum áður kom bankastjóri Glitnis á fund og taldi okkur trú um að það væri ekkert að fjárhagsstöðu Glitnis. Staða bankans væri betri en allra banka í heiminum. Svo tveimur dögum seinna kemur yfirlýsing um að þeir hafi verið á leiðinni á hausinn. Þetta er forkastanlegt og maður skilur ekki hverslags bananalýðveldi við búum í, að slíkt sé látið viðgangast. Síðan er bankastjóri Glitnis endurráðinn á vegum ríkisins. Það þykir mér fáránlegt, maðurinn fékk nú bara 300 milljónir fyrir að færa sig úr Landsbankanum og yfir í Glitni. Svo er hann líklegast með 10 milljónir í laun á mánuði,“ segir Pétur. “
http://www.bb.is/Pages/26?NewsID=121803
Þessi banki verður þjóðnýttur á næstu stundum vegna glannalegra útlána í Eystrasaltsríkjunum …
http://www.e24.se/branscher/bankfinans/artikel_745201.e24
Sorgleg þvæla og afbökun á staðreyndum í þessu lesendabréfi.
Það var strikað yfir 90% af hlutafjáreigna í Glitni – hin leiðin eða aðrar leiðir gátu varla verið verri.
Þetta var síðasti valkostur í stöðunni. Þetta er fordæmalaust á Vesturlöndum og mun valda gríðarlegum álitshnekki Íslands á alþjóðavettvangi. Smitáhrif þessa eru gríðarleg og íþyngjandi. Þetta er skelfilegt mál og ábyrgð manna er mikil.
„Forkastanleg vinnubrögð“ segir Pétur Sigurðsson, stjform. Lífeyrissjóðs Vestfirðinga og fyrrum forseti ASV.
http://www.bb.is/Pages/26?NewsID=121803
Upplýst er að hvorki ofangreindir aðilar né aðrir, þ.á.m. íslenska ríkið, ganga inn í næsta erlenda banka og slá lán. Hvort sem menn beita FL reikniaðferðum eður ei. Það ríkir lánsfjárkrísa þó höfundur ofangreinds bréfs skynji það eitthvað takmarkað.
Ekki hefur verið upplýst hvort núverandi hluthöfum hafi boðist að greiða inn nýtt hlutafé. Þeir báðu bankann um lánaaðstoð en fengu „tilboð“ frá Seðlabankanum seinnipartinn á sunnudaginn sem virðist hafa verið „take it of leave it“ tilboð. Annaðhovrt étum við bankann ellegar við setjum hann á hausinn.
Upplýst er að aðalbankastjóri Seðlabankans á langan opinberan feril haturs í garð stærsta eiganda bankans. Hvað svo sem sannleikurinn ber í skauti sér þá er það eitt af gunguverkum Geirs að vera ekki búinn að hreinsa þarna út.
Kannski var þetta nauðsynlegt. En þetta lyktar óneitanlega illa. Og sannast hefur með þessum gjörningi að aðgerðaleysi ríkisstjórnar og Seðlabanka setur málið í þessa klessu.
Fyrir nokkrum mánuðum var gantast með það að aðgerðaleysið væri upphugsað plott bláu handarinnar til að þjóðnýta bankana.
Ja, Kaupthing er eftir og þá er hægt að afhenda pakkann einhverjum þeim sem DO er þóknanlegur. Það væri þó aldrei Bjöggi?
Menn áttu semsagt að láta bankann fara í þrot?
Ekki er ólíklegt að hann hefði hrunið strax á mánudeginum með tilheyrandi látum.
Eða lána þeim peninga útrásarvíkingunum?
Er einhver í stuði fyrir það?
þetta er mjög gott bréf og finally að einhver segi það hreint út hvað er í gangi.
Af hverju geta þessi stóreignamenn ekki útvegað 80 milljarðar. Það eru ekkert allir bankar í heiminum lokaðir, eða hvað?
Hins vegar væri ekkert óeðlilegt að menn hefðu tækifæri fram að hluthafafundi að útvega þetta fé og koma inn á genginu 1,9 eins og ríkið. Ef upphæðin næst hjá almennum hluthöfum þá myndi ríkið falla frá þessu.
Nei, ég sem skattgreiðandi er ekki í stuði til að lána mönnum sem eins og bent hefur verið á, eiga nóga peninga til að borga þetta sjálfir.
Þetta mál er alvarlegra en svo að klína einhverjum „útrásarstimpli“ á málið. Það eru fleiri eigendur að þessum banka en einhverjir sem þú, Egill persónugerir. Eru lífeyrissjóðir máske útrásarvíkingar?
Átti að setja bankann í þrot, spyrð þú? Nei, það er engin ástæða til þess. Ekkert hefur komið í ljós að efnahagsleg staða bankans væri slæm. Eiginfjárhlutfall í góðu lagi og lánasafnið gott. Hér eru engin undirmálslán. Eini bankinn sem var með slíkt á bakinu var rekinn af efnahagsráðgjafa Geirs Haarde!
Til þess eru Seðlabankar, að aðstoða með lánalínur. En ekki sá Íslenski. Hann dundar sér við hostile overtake.
Til þess eru Seðlabankar, að aðstoða með lánalínur. En ekki sá Íslenski. Hann dundar sér við hostile overtake.
Þeim bauðst, gegn eðlilegum veðum, hefðbundin lán í seðlabankanum. Þetta var allt allt annars eðlis og ef það hefði verið gengið að þessu, þ.e. að lána í erlendri mynt þá hefði það líklegast talist vera ríkisstyrkur skv. EES reglum. Menn verða að fara að lögum líka.
Það má vel vera að þetta hafi verið óumflýjanlegt. En segið mér, ef lánað er í íslenskum krónum, þá er það í lagi, en lánað er í erlendri mynt þá telst þetta ríkisstyrkur??? Nú ég ekki skilja…..
Egill, reyndu að losa þig við andúð þína á „útrásarvíkingunum“ og skoða málið í stærra samhengi. Þetta mál er miklu stærra en svo hvernig Jóni Ásgeiri reiðir af. Skoðaðu t.d. hvort þú finnur fordæmi fyrir svona aðgerð einhversstaðar í hinum vestræna heimi.
Já, það eru allir bankar í heiminum lokaðir, menn fá hvergi lán – og þá reynir á Seðlabanka.
Hvað er „lánalína“?
Stóra spurningin sem kemur fram í bréfinu er auðvitað stóra málið. Hver ákvað verðið á bankanum nú um helgina? Kannski hluthafar eða stjórm? Bankinn var metinn á 233 milljarða fyrir helgi. Seðlabankinn ákvað að meta hann á 30 milljarða. Markaðurinn í dag ákvað að þrátt fyrir allt væri hann þó 67 milljarðar þó svo búið væri að downgrade-a bréfin.
Seðlabankinn græddi 116 milljarða í dag! Góður díll það.
Þetta lítur frekar út eins og rán, en þið vitið ábyggilega betur.
Allir þessir útrásarvíkingar eru pappírsmillar. Þeir eiga ekkert lausafé heldur bara eignir sem hafa verið ofmetnar á síðustu árum og þeir svo getað lánað út á þessar eignir.
Lausafjárstaða Baugsmanna og fleiri er hræðileg.
Hvernig dettur fólki í hug að ríkið borgi markaðsverð fyrir banka sem mun hrynja sólarhring síðar???
Þetta var það eina rétta í stöðunni, og að halda því fram að að baki þessum gjörning séu einvherjar annarlegar hvatir DO og GHH er fásinna. Menn ættu að taka höfuðið út úr rassgatinu og horfa á stóru myndina. Ef bankinn hefði hrunið, þá væri stór hluti þjóðarinnar búinn að tapa ansi miklu – hinir bankarnir hefðu ekki átt sjö dagna sæla – krónan væri MUN verri en hún er núna (þó það sé erfitt að ímynda sér það).
Ef Glitnir hefði fengið að hrynja, þá fyrst væru Íslendingar og Ísland í djúpum skít.
Enn erum við byrgja brunna eftir að börnin eru fallin í hann. Eigendur Glitnis geta vel kvartað yfir hverju sem þeir vilja, en sagt er að ekki verði grætt ef engu er hætt. Svona er þetta, uppgíraður banki án aðgengi að lánsfé er gjaldþrota, burtséð frá því að eigendur telji sig í myljandi rekstri.
En væri ekki úr vegi að reyna að byrgja þá brunna sem eftir standa? Á Íslandi eru enn tveir aðrir ’stórir’ bankar. Ef innlánseigendur (Evrópubúar utan Íslands) missa tiltrú á Kaupþingi eða Landsbanka, þá getur það gerst hratt að þeir færi þaðan sparifé sitt. Hvorugur bankanna getur staðið undir því, og íslenska ríkið ekki heldur. Þeir myndu báðir verða gjaldþrota á örskoti.
Ég þekki ekki hvernig innlánstryggingar í Evrópu virka. Er íslenska ríkið ábyrgt fyrir öllum innlánum þessara banka, eða eru þau að mestu tryggð í þeim löndum þar sem reikningarnir eru opnaðir? Er nokkur leið til að reyna að draga úr áhættunni að einstaklingar geri hlaup að þessum bönkum? Meira en græðgi bankamanna liggur undir.
Í öðrum fréttum má telja nokkuð skiljanlegt núna af hverju krónan hefur verið að lækka. Hver í þessum heimi sem er með réttu ráði myndi kaupa krónur núna eins og ástandið er á Íslandi? Þvert á móti er staðan sú að allir sjá að Íslenska ríkið er að fara að setja prentverkið í gang og auka enn á veikinguna. Markaðurinn sá þetta áður en Geir Haarde sá það.
Gylfi Magnússon hagfræðingur sagði í fréttum áðan að yfirtaka Seðlabanka hefði verið alveg eftir bókinni.
Hann hefur ekki verið neitt sérlega hollur Davíð, sagði fyrir ekki alls löngu að hann ætti að fara frá.
Þetta er allt mjög skrítið mál. Staða Glitnis virðist hafa verið mjög alvarleg. Ella hefði stjórnin ekki kyngt þessu tilboði Seðlabankans.
Samt fullyrðir bankastjórinn að bankinn hafi alls ekki staðið frammi fyrir gjaldþroti. Bara að gjaldþrot Lehman hefði fyrirsjáanlega gert lánafyrirgreiðslu til framtíðar erfiða.
Bankastjórinn sagði lika í Silfri Egils fyrir fáeinum dögum , að allt væri i lagi.
Væri ég hluthafi i Glitni myndi ég þegar i stað krefjast lögreglurannsóknar á því hvort hluthafar voru leyndir upplýsingum. Og beinlínis gefnar rangar upplýsingar.
„Hvað er „lánalína“?“
Veit ekki alveg… en ég veit þó að á síðustu misserum hefur það öðlast status sem eitthvað ógurlega fínt og merkilegt.
(Er það ekki almennt séð það sem kallast á ensku „Loan Commitment“ sem er skilgreint sirka sem „An agreement to lend money, generally of a specified amount, at specified terms at some time in the future.“
Þe. samningur um aðgang að láni/peningum í afmarkaðri framtíð ef á þarf að halda.)
Hvað með þá 10 milljarða sem seðlabankastjórti hirrti með þessu úr lífeyrissjóðum (sparifé) launamanna?
Er dómgreindin að bresta hjá svona mörgum sem kommentera hér, vegna létts taugaáfalls? Ég satt að segja gleðst yfir þessum tíðindum um hrun Glitnis. Ég er viss um að hinir bankarnir eiga eftir að fara svipað. Almenningur hefur ekki hagsmuni í því að þessi frjálshyggja haldi áfram að ríða húsum hér á landi frekar en annarsstaðar. Í skjóli þeirrar hugmyndafræði hefur byggst upp mikil misskipting efnislegs auðs. Þessi kreppa er vonandi teikn um það að kapitalisminn sé kominn fram á hengiflug og muni hrynja á sama hátt og kommúnisminn gerði.
Mannúðleg hugmyndafræði á meiri möguleika þegar búið er að hreinsa svolítið sviðið. Hún mun spretta frá grasrótinni. Einkenni hennar verða dreift efnahagslegt vald, framsækinn sjálfsþurftarbúskapur, þak á auðsöfnun, afnám peningarúllettu eins og kauphöllin er, viðurkenning og skilgreining á grunvallarþörfum manna og rétti hvers manns að fá þeim fullnægt, afnám efnahagslegs arðráns þeirra sem láta aðra vinna fyrir sér og fl.
Valdatíma kaupsýslustéttarinnar fer að ljúka og önnur stétt mun taka frumkvæðið og taka sér mannúðlega hugmyndafræði sem baráttuvopn.
Kæri PJ þetta eru sömu hlutafjárkaupendur og keyptu hluti í Glitni á 29 fyrir ekki svo löngu síðan, í Kaupthing á 1200 fyrir alls ekki svo löngu síðan nú eða í Exista. Hvað var aftur mikið sem fólk borgaði fyrir hlut í því stórgóða fyrirtæki? Það er ekki hægt að segja að þeir viti betur en Egill og Co.
Að tala um að eignir séu einhvers virði er eins og að ég segði að húsið mitt sé í raun 200 milljón krónu virði en ekki 24 eins og bankinn minn vill halda fram.
Er þá rétt af mér að segja að bankinn sé að stela af mér 180 milljónum?
Það er nú einu sinni þannig að ef þú átt peninga þá setur þú reglurnar. Það gerðir Glitnir við mig þegar ég vildi fá peninga fyrir mitt góða veð.
Nú lítur út fyrir að enginn af þessum köllum eigi peninga. Þar af leiðandi ráða þeir ekki ferðinni sem er, eins og mér sjálfum fanst þegar ég fékk nei, hundfúlt.
Ég sé bara ekki muninn á þessum mönnum og mér. Af hverju ættu þeir að fá aðra meðferð en ég. Bara af því þeir segja það. Bíla-og húsnæðislán sem veð fyrir 86 milljörðum.
ÞAÐ VÆRI STÆRSTA BANKARÁN SÖGUNNAR.
ef það er rétt að seðlabankinn græddi 116milljarða þá finnst mér það góður díll. henda gróðanum í gjaldeirisvarasjóðinn til að stiðja við íslenskt efnahagslíf. ef DO gerði þetta uppá sitt einsdæmi er þá ekki rétt að líta á hann sem hróa hött. hann stal frá þeim ríku sem bruðluðu og gáfu sér ofurlaun og er að gefa okkur almennum skattborgurum aftur peningin.
Þessi yfittaka er minnsta malið af þessu öllu eða hvernig hun a ser stað ,það sem er verst við þetta allt saman eru afleiðingarnar sem öll þjoðin þarf að glima við næstu arin, hinn venjulegi Jon sem ekki atti hlutabref eða feitar innistæður.
Eg held að menn ættu frekar að ræða hvernig komið er fyrir fjölskyldunum her a landi, ekki hvort Stoðir eða aðrir storir eigendur hafa tapað peningum, þeir komu ser i þetta an hjalpar skattborgara sem hafa þurft að liða fyrir þeirra hegðun a fjarmalamarkaði.
Sæll Jens. Ég vil fyrst upplýsa þig að ég hef nákvæmlega engra hagsmuna að gæta í þessu máli.
En það er ekki hægt að segja að allir hluthafar hafi keypt á ákveðnu verði eins og þú skrifar. Þá ertu að draga alla hjörðina í einn dilk. Það er bæði rangt og ósanngjarnt. Ekki frekar en Egill sem pikkar út einhverja hluthafa sem hann nefnir útrásarvíkinga.
Ég hef enga samúð með neinum en vil aðeins að rétt sé rétt. Og mér finnst málið lykta dulítið……..
Jæja, þá er viðtalið sýnt … comments?
Jón Ásgeir talar um 200 milljarða eignir sem bankinn á út í heimi, en seðlabankinn vildi ekki taka veð í þeim
mér kemur þetta svolítið spánskt fyrir sjónir.
Ætlar fólk virkilega að taka upp hanskann fyrir Jón Ásgeir og félaga. Ríkisvæðing Glitnis var í takt við allt það sem var að gerast. Þeir báðu um aðstoð og sem betur fer var þeim ekki réttu feitur poki af peningum sem þeir hefðu glutrað svo niður. Stjórn Glitnis samþykkti ríkisvæðinguna, gleymum því ekki. Ríkið má mín vegna græða hressilega á þessum viðskiptum. Wessman, K. Werners, Bjarni Ármanns og fleiri snillingar hafa fengið nóg í sína peningaskápa. Svo finnst manni það með ólíkindum að þeir hjá Stoðum (FL) dirfist að tjá sig um þetta. Menn sem hafa hagað sér eins og vitleysingar síðustu ár. Hlutabréfakaup eru spilavítisleikur og þeir sem hafa lagt í þá iðju fá því miður að súpa seyðið af því. En nú mætti fólk hætta þessum taugaveikluðu fingrabendingum og fara að spá í því hvernig megi hindra arðrán, spákaupmennsku og þá græðgi sem hefur tröllriðið þjóðfélaginu.
Útrásarvíkingar hvað…
„Guðmundur Gunnarsson – Hvað með þá 10 milljarða sem seðlabankastjórti hirrti með þessu úr lífeyrissjóðum (sparifé) launamanna?“
1. spurning til Guðmundar: Ef Glitnir hefði farið í þrot hversu miklu hefðu þá lífeyrissjóðirnir þá tapað?
2. spurning: Af hverju í ósköpunum leggja lífeyrissjóðirnir fé í fyrirtæki sem byggir á brauðfótum og hafa lítið eftirlit með sem hluthafar ? (FL-Group og það sem hefur sést undanfarið ár)
Og hvað í ósköpunum þýðir HÖRÐ LENDING?
Já afhverju spyrja menn ekki út í þetta með lífeyrissjóðina. Hvað eru þeir alltaf að „gambla“ með lífeyri fólks.
þetta er aðeins á ská við raunveruleikann. Glitni vantaði EVRUR. Ef þessi aðilar sem nefndir voru hefðu farið og skipt krónum fyrir evru hefði krónan farið á hliðina.
Veit einhver hvernig Stoðir borguðu fyrir þennan 30% hlut í Glitni?
Var það ef til vill með hlutabréfum í FL Group og engum peningum?
Það væri ef til vill lík gott ef Guðmundur aflaði sér upplýsinga um á hvað gengi lífeyrissjóðirnir keyptu þessa hluti í Glitni áður en hann fer að reikna hvað þeir töpuðu miklu
Ef Seðlabankinn hefði lánað Glitni með veði í bíla og húsnæðislánum, hefði bankinn hrunið á mánudag. Það hefði orðið ,,run,, á bankann. Ég tek undir þá spurningu – ef eignasafnið er svona flott – af hverju komu eigendurninr ekki færandi hendi.
Nú segir sagan að Landsbankinn hafi komið á miðvikudag til DO og beðið um hjálp. DO hafi verið að skoða málið þegar Glitnir hafi komið á fimmtudag og séð sér leik á borði.
Nú fái Landsbankinn Glitnir á spottprís, selji hann og þurfi þar af leiðandi ekki lengur á hjálp DO að halda?
Er þetta nú ekki of langt gengið
Er hægt að tala um 116 milljarða gróða ef enginn kaupandi er að bréfunum?
Ætli Landsbankinn eigi ekki nóg með sig og meðan kjölfestufjárfestarnir kveina yfir arðráninu þá eru ekki margir aðrir kaupendur í sjónmáli.
bullarar, fyrirgefið, bloggarar allra landa sameinist.
Er ekki málið svona. ?
1. Lokast skyndilega fyrir lánalínu (aðgangur að láni/erlennum gjaldeyri sem vegna erfiðar stöðu á markaðnum Glitnir þurfti að nota bráðlega)
2. Eins og staðnan er í dag er ekkert hlaupið að því að fá lán sisona erlendis.
3. Glitnir biður Seðlab. um að fá lánaðan gjaldeyri.
4. Bingo. Nei. (ekki hægt vegna reglna samkv. sumum fregnum og sögnum … (við það set ég spurningarmerki. Þarfnast frekari útskýringa)
5. Annaðhvort tekur ríkið yfir 75% bankans… eða hann verður skilinn eftir á köldum klaka.
Mér sýnist nú krónan vera farin á hliðina þrátt fyrir þessar aðgerðir.
Hefur komið fram að kjölfestufjárfestar hafi fengið tækifæri til að koma að lausn vandans með Seðlabankanum? Að sjálfsögðu hefði það verið eðlilegt en lýsing á atburðrásinni bendir ekki til að það hafi komist til umræðu.
Menn eru svo uppteknir af Stoðum, en hvað með Icebank ehf. Bankinn er að tapa 18% af eiginfé sínu við þessa aðgerð 1.967 milljónum eignfjárhlutfall hans fer úr 10.9% í 30 júni sl í um það bil 8,8%. Það er hættulega lágt fyrir fjármálastofnun. Hér er komið case eins og á Norðurlöndunum þar sem fjármálastofnun er að tapa vegna sinna fjárfestinga. Verður Icebank bjargað um næstu helgi?
Ég þakka guði fyrir það að Davíð Oddsson var seðlabankastjóri í þessum ólgusjó en ekki einhver helvítis lydda sem er hliðholl þessum fjárglæfra-skussum sem eru búnir að fjárfesta eins og hálfvitar og setja þjóðina nærri því á hausinn.
Núverandi seðlabankastjóri hefur alltaf sem betur fer borið virðingu fyrir þegnum þessa lands.
Einu mistökinn voru að leyfa hluthöfum að halda eftir þessum 25% í bankanum. Ef seðlabankinn hafði veitt neyðarlán, þá hefðu Stoðir væntanlega lagt inn eitthvað hlutfé í Glitnir og til að fá lán fyrir sínum gjalddögum?? Þeir segja að þetta hafi snúist um 150 milljónir Euro, en þeir báðu um 600 milljónir?? Í hvað átti hinar 450 milljónirnar að fara í ?? Gjalddaga fyrir Stoðir??
Ef þetta var svona ömurlegur Díll fyrir hluthafa Glitnir, út af hverju tóku þeir því þá??
Varðandi ummáli um lífeyrissjóðina og þeirra tap þá vitna ég í innlegg Hlyns Þór Magnússonar hér að ofan. Við þurfum að fara betur yfir það hve mikið lífeyrissjóðirnar voru að leggja inní þessa geðveiki á sínum tíma… Ég er ansi hræddur um að þetta smotterí sem þeir hafa tapað á Glitni sé smáræði miðað við það sem þeir lögðu inní FLron og fleiri svikamillur..
bara svona af því það fer í taugarnar á mér, mætti ég þá spyrja meistara Egil sem hefur verið svo lengi í fjölmiðlum sem ég man.
Af hverju komust milljarðamæringarnir upp með það á báðum stöðvum í kvöld, að halda því fram að gengishagnaður dagsins af Glitni, þessir 115 milljarðar, hafi ekki haft neitt með innkomu ríkisins að gera ?
Í framhaldinu, hafa fjölmiðlar enga ábyrgð á raunatímum sem þessum ?
Seðlabankinn hefur að öllum líkindum ekki lagaheimild til þess sem hann var að gera, þ.e.a.s. honum er ekki ætlað að kaupa hlutabréf heldur lána til þrautavara. Ætli það sé samkvæmt skólabóknum hans Gylfa? Gef ekkert fyrir það sem hann segir enda eru háskólaprófessorar HÍ og HR komnir í yfirlýsingakappleik. Það kann að vera að eitthvað standi í skólabókum um þetta, myndi reyndar vilja sjá í hvaða bók það er en það breytir því ekki að þetta er fordæmalaus aðgerð í hinum vestræna heimi m.v. þær forsendur sem liggja til grundvallar, það er staðreynd.
Ef allt um þrýtur og íslenska ríkið getur ekki varið efnahag Glitnis að fullu, hvort er betra að eiga veð í norskum fasteignum á móti þrautaláni eða hlutabréf í gjaldþrota banka?
Hvernig er hægt að tala um gengishagnað á bréfum sem hafa ekki einu sinni verið gefin út ennþá, það á eftir að samþykkja á hluthafafundi að ríkið fá þessi blessuð bréf. Nú ef það er svona mikil hagnaður af þeim, væri þá ekki alveg tilvalið að hafna þessu boði ríkisins, ákveða í staðin á þessum hluthafafundi að auka hlutafé bankans og vola þá er búið að leysa þennan vanda þeirra.
Þetta er auðvitað ekkert annað en hvert annað bull í þessum snillingum til þess að reyna espa upp almenning gegn þessum áformum ríkisins.
Við getum líka spurt þessa sömu aðila af því fyrst þessi veð sem þeir hafa og buðu ríkinu voru svona góð, því vil ekki neinn lána þá út á þau, jú sumir og það er eflaust rétt að hluta að engir eru lána núna í dag.
Þeir þurfa nú að borga eitthvað lán í næsta mánuði og þurftu þess vegna þess lánafyrirgreiðslu. Var ekki búið að fara löngu í það að endurfjármagna þetta dæmi, það vildi engin taka við þessum bréfum og taka veð í þeim. Það er svo hægt að nota það sem afsökun að ekki hafi verið hægt að útvega fjármagn og kenna gjaldþroti Lehmann brothers um.
Af hverju á ríkið að taka þessu veð góð og gild, það virðist engin vilja taka veð í þessum bréfum. Þetta eru fasteignabréf/söfn erlendis aðallega. Hvað er aftur að sliga banka í USA og Evrópu, jú fasteignaveðbréf sem eru orðin verðlaus vegna þess að eignir standa ekki einu sinni fyrir verðmæti þeirra.
Svo eru menn reiðir yfir því að SÍ leyfi sér að segja nei við því að vilja taka veð í svona bréfum. Það átti að lána peninga okkar því á endanum borgum við þetta ef allt hefði farið á versta veg. Nei við megum vera feginn því að sagt var nei við svona kostaboðum eins og þeir segjast hafa verið að bjóða SÍ.
Það að ríkið sé að græða svona mikið á þessu er tóm tjara eins og sakir standa.
…og hvað er að því að þeir græði svo á þessu að lokum? Hafa þessir leppalúðar sem hafa braskað með bankann hingað til ekki grætt nóg?
Verðum samt að muna það að þessir aðilar eru alltaf að tala um einhvern óinnleystan hagnað, gengishagnað og þess háttar tal.
Hagnaður verður ekki til fyrr en hann hefur verið innleystur í mínum huga og þú ert komin með verðmæti í hendurnar þ.e inn á þinn reikning t.d peninga upphæð. T. d vegna hlutabréfa búinn að selja bréfin með hagnaði. Það er ekkert mál að segjast eiga svona og svona mikið vegna þess að hlutabréf þín hafa hækkað svo og svo mikið. Þú getur og það er s.s sjálfsagt tekið lán út á þessi bréf og þannig reynt að auka verðmæti þitt, ætli maður kalli það ekki kreditrate eða eitthvað þannig.
Það er samt ekki komin hagnaður af þessum bréfum fyrr en þau eru seld, þangað til ekki er búið að selja þá eru þau einungis verðmæti með hugsanlegan ávinning.
Þess vegna er þetta bull í honum Þorseinni alveg óskiljanlegt að ríkið sé búið að græða einhverja tugi milljarða í dag, alveg óskiljanlegt bull. Það væri nú gott ef hlutirnir væru svona einfaldir en eigum við ekki fyrst sjá hvort hluthafa fundur samþykkir þessi kaup og svo sjá líka hvert gengið fer eftir það. Það verður líka þá óinnleystur hagnaður. Hagnaðurinn verður til þegar þessi bréf verða seld.
Byrjum samt á því að sjá hvort þeir taki þessu boði áður en farið er að góla og grenja um allar jarðir um hagnað og þjófnað.
Ég var að enda við að sjá Yngva Örn Kristjánsson formann greiningardeildar Landsbankans í Hrafnaþingi. Hann sagði að það væri nú ekki víst að gengi Glitnis hækkaði mikið úr því sem það er komið í. Jafnvel þótt eigiðfjárhlutfallið hækki við þessa innspýtingu Seðlabankans reiknast verðmæti banka út frá arðsemi á móti eigiðfé.
Til þess að auka arðsemi þyrftu þeir því að fá lán út á þetta eiginfé og lána það áfram. Og lánshæfi bankans var að taka harðan skell í dag, svo þeir fá engar nýjar „lánalínur“ eftir helgi neitt frekar en fyrir helgi.
Þannig að við skulum spyrja að leikslokum og dæma þessa aðgerð Seðlabankans þegar ríkið selur bankann. Ef þeir geta þá nokkuð selt hann miðað við eigin arðsemiskröfur.
Ef menn ætla á annað borð að þjóðnýta hlutafélög, þá þarf að gera það með kaupum á öllum pakkanum, ekki 75%.
Ég veit það bara að ég var á leiðinni út í Glitni strax á mánudags morgun til þess að reyna að taka út allt sem ég á inni á reikningum hjá þeim. Það eina sem stoppaði mig var að frétta að ríkið væri búið að redda þessu. S.s., það hefði örugglega orðið áhlaup á bankann þennan dag ef ekki hefði verið gripið inn í.
En mikið afskaplega fannst mér þessi stjórnarformaður Glitnis koma kjánalega út úr þessu viðtali í Kastljósi í kvöld. Getur hver sem er orðið stjórnarformaður í Glitni?
Það er tómt mál að tala um að snúa til baka frá þessum gjörningi. Bankinn verður bara boycottaður ef einhver annare en ríkið eignast hann. Og alls ekki Landsbankinn!
Stærsta bankarán sögunnar var þegar „óskabörnum þjóðarinnar“ voru gefnir ríkisbankarnir á sínum tíma, einkavæðingarstefnan er trúarbrögð.
[...] Það er óneitanlega erfitt að átta sig á þessum aðgerðum öllum og fróðlegt að lesa ýmis sjónarmið. – Til dæmis eru fjörugar umræður hjá Agli Helga… [...]
Það er ekki verið að spyrja réttu spurninganna hérna. Við vitum að Lárus og co fóru til SÍ í síðustu viku til að biðja um lán. SÍ tók að sögn vel í það og bað þá að fara og laga til veðpakkann. Svo koma þeir aftur og þá fer allt í einu allt í lok og lás. Hvað breyttist? Það sem gerðist var að SÍ fékk nýjar upplýsingar sem fengu þá skyndilega til að „stilla Glitni upp við vegg“ og krefjast 75% eignarhlutar. Þessar upplýsingar hafa ekki verið gerðar opinberar, enda væntanlega trúnaðarmál.
Ég skal samt gefa ykkur smá hint. Hérna er frétt RUV frá því í gær um sjóði Glitnis. Lesið nú fréttina vandlega og skoðið hverjir eru stærstu skuldarar í þeim. Takið líka eftir tengingunni við greiðslustöðvun Stoða og veltið fyrir ykkur hvenær kaup bankans á þessum bréfum gætu hafa verið í gangi og í leiðinni hvort eitthvað fleira sambærilegt gæti hafa verið í gangi.
Um 18.000 eigendur hafa ekki aðgengi að eigum sínum upp á um 170 milljarða króna í þremur skuldabréfasjóðum Glitnis. Lokað var fyrir viðskipti í þeim í gær.
Í yfirlýsingu frá Glitni sem send var út í dag kom fram að þetta væri gert til að vernda hagsmuni eigenda í sjóðunum þremur. Stoðir lýstu yfir greiðslustöðvun í gær, samkvæmt heimildum fréttastofu aðallega vegna þess að sjóðunum var lokað í gær. Vonir standa til að opnað verði fyrir viðskipti í sjóðunum á morgun. Sú ákvörðun hefur þó enn ekki verið tekin.
Sjóður 1 – Glitnir Skuldabréf, fjárfestir til dæmis í skuldabréfum fyrirtækja. Verðmæti sjóðsins 1. september var tæpir 48 milljarðar króna, þar af voru skuldabréf fyrirtækja 57%. Stærstu skuldarar eða útgefendur skuldabréfa sem sjóðurinn á voru þá Íbúðalánasjóður, FL Group – nú Stoðir – og Glitnir.
Sjóður 9 – Glitnir peningamarkaður – fjárfestir í skammtímaverðbréfum. Verðmæti sjóðsins um síðustu mánaðarmót var rúmir 117 milljarðar króna – og stærstu skuldarar þar – Glitnir, Straumur, Stoðir og Baugur.
Þriðji sjóðurinn sem lokað var er sjóður 9.1 – Glitnir, peningamarkaður, evrur. Verðmæti hans voru rúmir átta milljarðar um síðustu mánaðarmót og skráð skuldabréf fyrirtækja voru um þriðjungur eigna sjóðsins. Lokun þessara sjóða var ákvörðun stjórnenda Glitnis, en hún var tilkynnt til Fjármálaeftirlitsins eins og lög gera ráð fyrir.
Í tilkynningu Glitnis kom fram að verið væri að tryggja verðmæti eigna í sjóðunum og tryggja rétta og bestu verðmyndun á eignum viðskiptavina.
Ljóst þykir að almennur óróleiki á mörkuðum hefur ráðið miklu um þessa ákvörðun og ekki síður óvissa með hlutabréf skuldara í þessum sjóðum.
Stoðir lýstu til dæmis yfir greiðslustöðvun í gær. Þetta var samkvæmt heimildum fréttastofu aðalástæðan fyrir því að sjóðunum var lokað í gær. Vonir standa til að opnað verði fyrir viðskipti í sjóðunum á morgun – sú ákvörðun hefur þó enn ekki verið tekin.
Breyta
Innskráning
Gleymt lykilorð
Nýskráning
Staðfestingarkóði